يوم مع البسكليت

الاثنين 17/1/2017 الساعة 8:00ص 
اخر مرة ركبت فيها بسكليت تقريبا من 7 سنين كان عندي واحد فش فيه لا بريك ولا غيارات حتى لعجال يادوب كانن مسلكات بس كنت استمتع وانا راكبوا بس يا حسرة ابوي طبشوا وما خلى فيه اشي شغال ورماة وبعديها ما ركبت على بسكليت، ومن شهر بفكر اشتري واحد اصير استعملوا بكثير اشياء رياضة ترفية ...، بس مش صاححتلي الفرصة.
صهيب اخوي عندو فريق بسكليتات اسمو دراجو رام الله كل اسبوع بعملوا رحة على منطقة وحكى معي لحتى نعمل رحلة من بيت لحم لبتير على البسكليتات حددنا موعد وما زبط عشان الجو وحددنا موعد ثاني وكان اليوم  اتجمعنا على باب الزقاق في بيت لحم، كان الجميع متشجع لانو اول مرة بيطلعو رحلة بتختلف عن الرحل الي بيطلعوهن تعرفنا على الشباب المسجلين بالرحلة، تحركنا لبتير مع بعض وبالطريق بلشنا نبعد عن بعض الي كان سريع والي بطيء والي تعب وكل الطريق على هالموال،












بس والله تعبنا ومع هيك كانت رحلة حلوة وممتعة، وقفنا في الخضر لنستنى المتاخرين وبعديها كملنا







 بعد الخضر في طلوع قضى علين



ا واخر الطلوع ركبنا على البسكليتات  وكملنا ومن حوسان لبتير كلو نزول واشي من الاخر بترتاح وانت نازل على البسكليت بتنسى كل التعب الي شفتوا بالطريق، 


 وصلنا بتير وارتحنا وبعديها كملنا 












نزلنا على الواد ومشينا مع خط سكة القطار 











 طلعنا على الجبل بين الاحراش كان الطلوع عبارة عن انتحار بس حلو، 







استراحة





ووصلنا راس الجبل ومنو بتشوف بتير وحوسان وكل القرى الموجودة  في المنطقة ومنظر كان بيجنن، 










رجعنا على بتير لنفطر وصلنا وقعدنا على الارض وما قدرنا نتحرك من التعب، الشباب ولعو نار للشاي و قلاية البندورة والبنات بلشو يفرمو بالبندورة 






بدو يرجع لبيت لحم على البسكليت


اتجمعنا وافطرنا مع بعض، 



وهيك بتكون خلصت الرحلة بس رحلة لا تنسى وهالشي شجعني بزيادة لحتى اجيب بسكليت، بنصح كل واحد يركب بسكليت.




ليست هناك تعليقات