بتير الخضراء
الخليل
الساعة 6:00 ص 26/11/2016
اول مره
بصحى بدري من شهر كنت مسطل وبدي ارجع انام بس ما بقدر بدي اكتشف اشي جديد اليوم
بدي اتعرف اكثر على بلادنا الحلوة، قمت من الفرشة جهزت حالي وطلعت انا والشباب الي
عندي بالعمارة، المفروض التجمع الساعة 7:30 نكون على دوار ابن رشد بس نزلنا قبل
بدنا نفطر حمص بالبلد ونتنشط قبل الرحلة رحنا على باب الزاوية عند ابو قاعود وطلع
مسكر سمعنا عن واحد عند بلدية الخليل طلعنا عليه وكمان مسكر فش كل مطاعم الخليل
مسكرة الا مخبز فنون اشترينا كل واحد سندويشة جبنة وسلكنا حالنا فيها، ارجعنا قعدنا
شوي بالمكتبة كان بهاء طالب مني اطبع اسماء القرى الفلسطينية المهجرة ونذكر
المشاركين بالرحلة بقرانا المهجرة الي الاحتلال ارتكب فيها مجازر وشرد اهلها، بلشوا
يجيو المشاركين بالرحلة وصارت الساعة 8:00 نزلنا على الباص وصار اشي مش متوقعينوا
يزيد عدد المشاركين ويصير بدنا كمان باص، بعد ما جهزنا كل اشي تحركنا بس وقفنا على
راس الجورة ليشترو الاغراض الي بدهم يشتروها نبهنا عليهم محدش يشتري منتجات
الاحتلال والجميع اتقبل هالشي وما عارضوا، مرينا بطريقناعلى كثير قرى ومخيمات "سعير
حلحول بيت امر مخيم العروب الخضر حوسان" ومرينا بكثير مستوطنات بنوها اليهود
على ارضنا وتاريخنا بعد ما استولو عليها بالقوة، وصلنا بتيرمن القرى الريفية تقع غرب بيت لحم عانت
من الاحتلال كثير حيث كان مقرر بناء جدار الفصل العنصري على ارضها ويسلبها جمالها
ومدرجها الزراعي ويدمر كل ما هو موجود في هذه القرية.
اول مره بزورها سمعت ناس حكت مش حلوه وناس حكت حلوه بدي اشوف بعيني واستكشفها واتعرف عليها حتى لو ما كانت حلوة بضل هاي بلدنا وارضنا، بس ما اتوقعت انها بالروعة والجمال فعلا فلسطين حلوه وبتستحق نكتشفها اكثر ونتعرف عليها وعلى جمالها شو ما احكي عن بتير وفلسطين ما رح تقدر توصفها بالحكي لازم تروح وتشوف بعينك، طبعا كل هالطبيعه الحلوة قبل ننزل من الباص.
نزلنا واتجمعنا وحكى بهاء عن المسار وعن النظام وكيف رح نمشي وغلط وحكالنا مصطفى هو مرشد الرحلة، وبعديها مشينا معو والمفروض نروح على سكة القطار اخذنا طريق هو بيعرفهاش.
طبعا خلدون بدو يستغل الفرصة ويقلبها مسيرة وبلش يهتف وفش حد رد عليه بعد ما يأس صار بدو يعمل زفة عريس زف حالو من حالوا والكل بيضحك عليه، وشوي شوي بلشنا نبعد عن بتير وعن السكة بحكي لمصطفى وين رايح بحكيلي بدنا ننزل عند السكة والسكة صارت ورانا كثير موثقتش بحكي مصطفى وحكيت لبهاء بدي ارجع على البلدية رجلعت وبالطريق كان في ناس سالتهم كيف بدنا ننزل على السكة ودلوني على المسار وكيف نمشي ورجعنا من عند البداية بعد ما مشينا 400 متر تقريبا بطريق غلط.
نزلنا من طريق بنروح على سكة القطار ورجع بهاء غلط نفس الغلط وحكى لمصطفى انت المرشد كان في طريق وسيعة بتودينا على السكة بس مصطفى حكى لأ مش هاي الي تحت وطبعا الي تحت طريق ضيقة شوي وبترجع على الطريق الاولى بس مش غلط انو الشباب تتعب شوي.
وصلنا سكة القطار طبعا كان الهم نفس الشباب يروحوها معهم على الخليل ويحطوها على دوار الصحة هاظ غير الي كان بدو يروحها ويبيعها حديد والي بدو مفتاح 15 يحل البراغي مثلي.
طبعا الاغلب بينادي علي وعلى عدنان بدهم يتصوروا صورنا الي بدو يتصور وصار بدنا نوخذلهم صوره جماعية وساعة لحتى قدرنا انجمعهم ونوخذ صورة الهم.
طبعا ما حكتلكم عن المدرج الزراعي الموجود في بتير والخضار الي في هالمدرج والارض الخصبة والجبال والاحراش وقرية بتير والاثار الموجودة شو ما حيكت بقدرش اوصفلكم الي شفتو من جمال للمنطقة لازم تيجو وتشوفو بتير.
صحيح قبل ما انسى كان في اثنين على بسكليتات طالعين مسار الشباب فكروهم مستوطنين لانو العقلية العربية مش متقبلة انو يكون واحد راكب بسكليت وطالع عليه، وقفوا عنا وتعرفوا عليه الشباب وصار بدهم يوخذو شوط مفكرين حالهم بالحارة بيلعبوا، كملنا المسير بين الجبال والاحراش كنا نمشي جنب سكة القطار طبعا بالطريق كانت سيارات شرطة الاحتلال والطيارات موجودة بس احنا مش شايفينهم ومش خايفين منهم لانو هاي ارضنا ورح ترجعلنا واحنا اصحاب حق.
مشينا 200 متر وبهاء صار يتحجج ويحكي وقفوا بحجة انو في ناس لسه ورا وفعليا كان هو تعبان من المشي ومش قادر يمشي والشباب همتهم عاليه بدهم يكملو ومش حابين يوقفوا بدهم يكتشفوا اشياء جديدة، طبعا انا مسكت بريبج(عصا) لحتى اخوفهم فيها وكانت شيماء هي اول وحدة خافت مني وابو نوفل اكل الي فيه النصيب، تعبت بنت واحنا ماشيين رحت واعملت فيها الدكتور كانت الشمس ضاربيتها تسالونيش كيف لاني بعرفش بس المهم ضربتها الشمس اعملتلها اللازم وكملنا المشي وصلنا الجسر الي حكالنا الشب تاع بتير بس توصلوا بتروحوا على الشمال بس كنت حابب اكمل مع سكة القطار واوصل القدس بس ما بتزبط في يوم من الايام رح تزبط ان شاء الله وندخل كل ارضنا ونتنقل براحتنا.
طبعا لو تعرفوا مين كان اخر واحد ومتاخر عنا كثير هو خاااااااااااااااااااالدوووووووووووون الي بدو يستغل الفرصة باول المسير ويعمل فيها عرس ومسيرة وكل شوي ببعد عنا اكثر، بعد ما اخذنا اليسار ومشينا طلعنا بين الزيتون ومشينا يمكن نص ساعة وبما اني كنت مع المجموعة الاولى اجبرتهم يوقفوا لنستني الناس البطيئين والي تعبوا من المشي وكان طبعا بهاء ومرشدنا مصطفى معهم ومتاخرين كثير عنا.
كان في صوت مي رحت واكتشفت كان في بركة مي بس المي جاي من بعيد وبيستخدموها المزارعين ليسقو زرعهم طبعا المي مش صالحه للشرب.
هون اتخيرنا بطريقين طريق مع مسار المي والطريق الثانيه بين الشجر والطريقين بجننو بس الطريق الي مع مسار المي صعب شوي وهون بلشنا نتعاون ونتساعد ونكون ايد وحدة.
طبعا سالت مزارعين عن نبع المي وحكولي بدها مشي 800 متر ومشينا، طبعا نسيت احكيلكم انو سامي هو الي كان المرشد السياحي بعد محاولات مصطفى الفاشلة بحب احكيلك يامصطفى لسة بدك وقت لتتعلم وتكون مرشد ناجح اتعب على حالك اكثر او بالمختصر المفيد فش الك مستقبل بهالشغلة، قبل نوصل النبعة مشينا بين ارض مزروعه فجل وبصل وزهرة ويقطين وصلنا النبعة الي بدو يشرب شرب والي بدي يغسل غسل والي بدو يعبي مي عبا والي بدو يوكل اكل.
طبعا خلدون لساتو متاخر وعملو حفلة صغيرة الشباب وبس وصل خلدون مسكوه وطيروا من الفرحة ،صهيب صار بدو يطير مثل خلدون بس صهيب وزنوا يمكن 100 كيلو حاولو معو شوي بدهمش يزععلو او يحسسو انو هو ناصح رموه بالجو ووقعوا على الارض الكل خاف على ايديه، في صبية ثانية كان صايبها رعاف يعني مناخيرها بنزلوا دم حكتلها شو تعمل واعطيتها كيس ثلج بس المشكلة كانت خايفة ليش مش عارف بس حكتلها اتخافيش رح اتموتي ورحت.
نداء طبعا بدها تمزح معي وترش علي مي بايديها بس ماكانت عارفة شو بيستناها قزازة مي كانت عندي فتحتها وكبيتها عليها وطبعا طول الرحلة وهي تغلط علي بس عملت فيها شغله بحكيلكم عنها بس نوصل كنيسة المهد، خلصنا استراحتنا الخامسة وكملنا المشي بين الزيتون والارض المزروعه وبيارات اللمون والمندلينا وشجر الزتون الارض كانت كثير خصبة وخضرا.
كنت هالمرة ماشي بالاخير لاني كنت اوخذ صور وفيديو للجميع بس طبعا خلدون كان وراي، شكلهم الصبايا الي جايبينهم معمنا ركيكات كل شوي وحدة بتمرض طبعا كلهم ما شاء الله فش غيري بشوفهم وبقدملهم اللازم بس هالمره كانت الاصابة شد عضل وقفت مع الصبايا شوي وبعدين مشينا وخلدون مش واصل وهون بطلنا عارفين وين نروح تهنا وضلينا نلف بالارض لحتى وصلنا للطريق هي كانت صعبة شوي بس بدنا نجتاز الصعوبات لانو الهدف من الرحلة مش بس الاستكشاف بدنا نتعاون ونكون ايد وحدة وبالتعاون قوة، طبعا بلشنا نسمع صوت خلدون قرب على مجموعتنا.
بتمشي بالمدرج الزراعي بتحس حالك بالصين بين الاراضي الزراعية الي بتشبها كثير، خلدون شاف شجرة لمون وبدو يلقط كان في سلم طلع عليه وفكر حالو بلقط بزتون.
الصبايا بدهم يوخذو يقطين بس صار عندهم تأنيب ضمير وما اخذو مع انو مخلوش شجرة لمون الا ولقطوعنها، وصلنا الاستراحة الاخيرة كانت نبعة جديدة بس هاي النبعة كانت المي بتطلع من مغارة نزلت وفتت فيها جوا بس ما في الها اخر ومنظرها حلو وصوت المي الي بجذبك عليها.
طبعا شيماء حكتلي فوت وانقذ اميرتك وقلبت فيها روميو وفتت وطلعت مصطفى، اتريحنا شوي وكملنا المشي طلعنا على درج كثير حلو ووصلنا الزفتة كان في طلعة بتذبحك وانت طالع وصلنا اخر الطلعة وكل فكري احنا في بتير طلعنا موجودين في حوسان حسب ما حكولنا اهل البلد مشيتوا بحدود 10 كيلو، اتجمعنا عند المسجد وازم الشارع من عدد موجودين بالشارع كنا بدنا نحتل حوسان بس اجلناها ليوم ثاني، طبعا انا رحت ولعبت فطبول مع اهل حوسان بعد كل هالتعب رايح اتنشط بزيادة المهم غلبناهم همه كانوا 2 واحنا واحد اهم اشي جول الشرف جبناه، وصلت الباصات وطلعنا ورحنا على بيت لحم وصلنا حاجز 300 الي بمنعنا ندخل على ارضنا وبلادنا وعن القدس ونصلي في الاقصى الي سلب منا تاريخنا وحياتنا.
مرينا عن طاليطا قومي وعن حاجز الدي سي او وبيت جالا وبيت لحم وصلنا كنيسة المهد هون صورت الي بدو يتصور وبعديها خلصت شحن الكاميرا،طبعا هون نداء بدها تتصور بعد ما كانت تغلط وتسب علي بس مش عارفه انو فش انذل مني وبلشت اقايض فيها واحكيلها اتاسفي واتاسفت هبله مش عارفه اني صورتها فيديو وهي بتتاسف بس عرفت لحقتني بساحة الكنيسة بدها تضربني، خلصت جولتنا في بيت لحم وبتير وصار بدنا نروح على الخليل بالطريق طبعا غنينا ودبكنا وبعديها حكيت كلمتي الاخيرة للمشاركين "فلسطين حلوة وبدنا نتعرف عليها اكثر واكيد اليوم اتعبتوا بس بوعدكم اوخذكم على مناطق احلى وتتعرفوا على فلسطين اكثر وتشوفوا جمال وحلاوة بلادنا والتعب زي الوسخ بس تتحمموا بروح وبس تروحوا نامو بعرقكم وما تتحمموا لضل الذكريات الحلوة معكم اكثر"، روح واتجول في البلد واعرفها اكثر وما اضل قاعد ومش عامل اشي شوف جمال وحلاوة بلادنا بتحس حالك بالجنة.
اول مره بزورها سمعت ناس حكت مش حلوه وناس حكت حلوه بدي اشوف بعيني واستكشفها واتعرف عليها حتى لو ما كانت حلوة بضل هاي بلدنا وارضنا، بس ما اتوقعت انها بالروعة والجمال فعلا فلسطين حلوه وبتستحق نكتشفها اكثر ونتعرف عليها وعلى جمالها شو ما احكي عن بتير وفلسطين ما رح تقدر توصفها بالحكي لازم تروح وتشوف بعينك، طبعا كل هالطبيعه الحلوة قبل ننزل من الباص.
نزلنا واتجمعنا وحكى بهاء عن المسار وعن النظام وكيف رح نمشي وغلط وحكالنا مصطفى هو مرشد الرحلة، وبعديها مشينا معو والمفروض نروح على سكة القطار اخذنا طريق هو بيعرفهاش.
طبعا خلدون بدو يستغل الفرصة ويقلبها مسيرة وبلش يهتف وفش حد رد عليه بعد ما يأس صار بدو يعمل زفة عريس زف حالو من حالوا والكل بيضحك عليه، وشوي شوي بلشنا نبعد عن بتير وعن السكة بحكي لمصطفى وين رايح بحكيلي بدنا ننزل عند السكة والسكة صارت ورانا كثير موثقتش بحكي مصطفى وحكيت لبهاء بدي ارجع على البلدية رجلعت وبالطريق كان في ناس سالتهم كيف بدنا ننزل على السكة ودلوني على المسار وكيف نمشي ورجعنا من عند البداية بعد ما مشينا 400 متر تقريبا بطريق غلط.
نزلنا من طريق بنروح على سكة القطار ورجع بهاء غلط نفس الغلط وحكى لمصطفى انت المرشد كان في طريق وسيعة بتودينا على السكة بس مصطفى حكى لأ مش هاي الي تحت وطبعا الي تحت طريق ضيقة شوي وبترجع على الطريق الاولى بس مش غلط انو الشباب تتعب شوي.
وصلنا سكة القطار طبعا كان الهم نفس الشباب يروحوها معهم على الخليل ويحطوها على دوار الصحة هاظ غير الي كان بدو يروحها ويبيعها حديد والي بدو مفتاح 15 يحل البراغي مثلي.
طبعا الاغلب بينادي علي وعلى عدنان بدهم يتصوروا صورنا الي بدو يتصور وصار بدنا نوخذلهم صوره جماعية وساعة لحتى قدرنا انجمعهم ونوخذ صورة الهم.
طبعا ما حكتلكم عن المدرج الزراعي الموجود في بتير والخضار الي في هالمدرج والارض الخصبة والجبال والاحراش وقرية بتير والاثار الموجودة شو ما حيكت بقدرش اوصفلكم الي شفتو من جمال للمنطقة لازم تيجو وتشوفو بتير.
صحيح قبل ما انسى كان في اثنين على بسكليتات طالعين مسار الشباب فكروهم مستوطنين لانو العقلية العربية مش متقبلة انو يكون واحد راكب بسكليت وطالع عليه، وقفوا عنا وتعرفوا عليه الشباب وصار بدهم يوخذو شوط مفكرين حالهم بالحارة بيلعبوا، كملنا المسير بين الجبال والاحراش كنا نمشي جنب سكة القطار طبعا بالطريق كانت سيارات شرطة الاحتلال والطيارات موجودة بس احنا مش شايفينهم ومش خايفين منهم لانو هاي ارضنا ورح ترجعلنا واحنا اصحاب حق.
مشينا 200 متر وبهاء صار يتحجج ويحكي وقفوا بحجة انو في ناس لسه ورا وفعليا كان هو تعبان من المشي ومش قادر يمشي والشباب همتهم عاليه بدهم يكملو ومش حابين يوقفوا بدهم يكتشفوا اشياء جديدة، طبعا انا مسكت بريبج(عصا) لحتى اخوفهم فيها وكانت شيماء هي اول وحدة خافت مني وابو نوفل اكل الي فيه النصيب، تعبت بنت واحنا ماشيين رحت واعملت فيها الدكتور كانت الشمس ضاربيتها تسالونيش كيف لاني بعرفش بس المهم ضربتها الشمس اعملتلها اللازم وكملنا المشي وصلنا الجسر الي حكالنا الشب تاع بتير بس توصلوا بتروحوا على الشمال بس كنت حابب اكمل مع سكة القطار واوصل القدس بس ما بتزبط في يوم من الايام رح تزبط ان شاء الله وندخل كل ارضنا ونتنقل براحتنا.
طبعا لو تعرفوا مين كان اخر واحد ومتاخر عنا كثير هو خاااااااااااااااااااالدوووووووووووون الي بدو يستغل الفرصة باول المسير ويعمل فيها عرس ومسيرة وكل شوي ببعد عنا اكثر، بعد ما اخذنا اليسار ومشينا طلعنا بين الزيتون ومشينا يمكن نص ساعة وبما اني كنت مع المجموعة الاولى اجبرتهم يوقفوا لنستني الناس البطيئين والي تعبوا من المشي وكان طبعا بهاء ومرشدنا مصطفى معهم ومتاخرين كثير عنا.
كان في صوت مي رحت واكتشفت كان في بركة مي بس المي جاي من بعيد وبيستخدموها المزارعين ليسقو زرعهم طبعا المي مش صالحه للشرب.
هون اتخيرنا بطريقين طريق مع مسار المي والطريق الثانيه بين الشجر والطريقين بجننو بس الطريق الي مع مسار المي صعب شوي وهون بلشنا نتعاون ونتساعد ونكون ايد وحدة.
طبعا سالت مزارعين عن نبع المي وحكولي بدها مشي 800 متر ومشينا، طبعا نسيت احكيلكم انو سامي هو الي كان المرشد السياحي بعد محاولات مصطفى الفاشلة بحب احكيلك يامصطفى لسة بدك وقت لتتعلم وتكون مرشد ناجح اتعب على حالك اكثر او بالمختصر المفيد فش الك مستقبل بهالشغلة، قبل نوصل النبعة مشينا بين ارض مزروعه فجل وبصل وزهرة ويقطين وصلنا النبعة الي بدو يشرب شرب والي بدي يغسل غسل والي بدو يعبي مي عبا والي بدو يوكل اكل.
طبعا خلدون لساتو متاخر وعملو حفلة صغيرة الشباب وبس وصل خلدون مسكوه وطيروا من الفرحة ،صهيب صار بدو يطير مثل خلدون بس صهيب وزنوا يمكن 100 كيلو حاولو معو شوي بدهمش يزععلو او يحسسو انو هو ناصح رموه بالجو ووقعوا على الارض الكل خاف على ايديه، في صبية ثانية كان صايبها رعاف يعني مناخيرها بنزلوا دم حكتلها شو تعمل واعطيتها كيس ثلج بس المشكلة كانت خايفة ليش مش عارف بس حكتلها اتخافيش رح اتموتي ورحت.
نداء طبعا بدها تمزح معي وترش علي مي بايديها بس ماكانت عارفة شو بيستناها قزازة مي كانت عندي فتحتها وكبيتها عليها وطبعا طول الرحلة وهي تغلط علي بس عملت فيها شغله بحكيلكم عنها بس نوصل كنيسة المهد، خلصنا استراحتنا الخامسة وكملنا المشي بين الزيتون والارض المزروعه وبيارات اللمون والمندلينا وشجر الزتون الارض كانت كثير خصبة وخضرا.
كنت هالمرة ماشي بالاخير لاني كنت اوخذ صور وفيديو للجميع بس طبعا خلدون كان وراي، شكلهم الصبايا الي جايبينهم معمنا ركيكات كل شوي وحدة بتمرض طبعا كلهم ما شاء الله فش غيري بشوفهم وبقدملهم اللازم بس هالمره كانت الاصابة شد عضل وقفت مع الصبايا شوي وبعدين مشينا وخلدون مش واصل وهون بطلنا عارفين وين نروح تهنا وضلينا نلف بالارض لحتى وصلنا للطريق هي كانت صعبة شوي بس بدنا نجتاز الصعوبات لانو الهدف من الرحلة مش بس الاستكشاف بدنا نتعاون ونكون ايد وحدة وبالتعاون قوة، طبعا بلشنا نسمع صوت خلدون قرب على مجموعتنا.
بتمشي بالمدرج الزراعي بتحس حالك بالصين بين الاراضي الزراعية الي بتشبها كثير، خلدون شاف شجرة لمون وبدو يلقط كان في سلم طلع عليه وفكر حالو بلقط بزتون.
الصبايا بدهم يوخذو يقطين بس صار عندهم تأنيب ضمير وما اخذو مع انو مخلوش شجرة لمون الا ولقطوعنها، وصلنا الاستراحة الاخيرة كانت نبعة جديدة بس هاي النبعة كانت المي بتطلع من مغارة نزلت وفتت فيها جوا بس ما في الها اخر ومنظرها حلو وصوت المي الي بجذبك عليها.
طبعا شيماء حكتلي فوت وانقذ اميرتك وقلبت فيها روميو وفتت وطلعت مصطفى، اتريحنا شوي وكملنا المشي طلعنا على درج كثير حلو ووصلنا الزفتة كان في طلعة بتذبحك وانت طالع وصلنا اخر الطلعة وكل فكري احنا في بتير طلعنا موجودين في حوسان حسب ما حكولنا اهل البلد مشيتوا بحدود 10 كيلو، اتجمعنا عند المسجد وازم الشارع من عدد موجودين بالشارع كنا بدنا نحتل حوسان بس اجلناها ليوم ثاني، طبعا انا رحت ولعبت فطبول مع اهل حوسان بعد كل هالتعب رايح اتنشط بزيادة المهم غلبناهم همه كانوا 2 واحنا واحد اهم اشي جول الشرف جبناه، وصلت الباصات وطلعنا ورحنا على بيت لحم وصلنا حاجز 300 الي بمنعنا ندخل على ارضنا وبلادنا وعن القدس ونصلي في الاقصى الي سلب منا تاريخنا وحياتنا.
مرينا عن طاليطا قومي وعن حاجز الدي سي او وبيت جالا وبيت لحم وصلنا كنيسة المهد هون صورت الي بدو يتصور وبعديها خلصت شحن الكاميرا،طبعا هون نداء بدها تتصور بعد ما كانت تغلط وتسب علي بس مش عارفه انو فش انذل مني وبلشت اقايض فيها واحكيلها اتاسفي واتاسفت هبله مش عارفه اني صورتها فيديو وهي بتتاسف بس عرفت لحقتني بساحة الكنيسة بدها تضربني، خلصت جولتنا في بيت لحم وبتير وصار بدنا نروح على الخليل بالطريق طبعا غنينا ودبكنا وبعديها حكيت كلمتي الاخيرة للمشاركين "فلسطين حلوة وبدنا نتعرف عليها اكثر واكيد اليوم اتعبتوا بس بوعدكم اوخذكم على مناطق احلى وتتعرفوا على فلسطين اكثر وتشوفوا جمال وحلاوة بلادنا والتعب زي الوسخ بس تتحمموا بروح وبس تروحوا نامو بعرقكم وما تتحمموا لضل الذكريات الحلوة معكم اكثر"، روح واتجول في البلد واعرفها اكثر وما اضل قاعد ومش عامل اشي شوف جمال وحلاوة بلادنا بتحس حالك بالجنة.
طبعا دنيا بدها تسمعنا صوتها وغنت خليجي بس لو
ضلت ساكته افضل "مش عارف مين حكالها صوتك حلو وضحك عليها المكسينة شكلها زي
الغريق الي بتعلق بقشة"، بعديها اغلب الباص نام وفي صبية وغلطت وحكت قدامي
عازمكم الاسبوع الجاي طبعا هي عكمة العزومة، صاحبيتها غلطت وحكت ابوي عندو معرض
سيارات وانا بدي استغل الفرصة وبدي اطلع باشي مادي من هالرحلة وعكمتها سيارة وجهها
صار بالالوان بس ما قدرت احصل الجائزة الثالثة فاتنازلت عن العزومة والسيارة، وهيك
بنكون وصلنا الخليل بسلام والحمد الله على سلامة الجميع وبنعتذر من كل شخص اذا زعل
منا او غلطنا مع اي واحد فيكم وسامحونا جميعا.
وصلت السكن واعطيتها قيلولة صغيرة مدتها من
ال7:00م-7:00ص كانت قيلولة صغيرة، زيد بدو انزل اسمو بالمدونة وضل يحكيلي كتبت
اسمائهم الا انا نزلني وهي نزلت وذكرتك في احدى ذكرياتي الجميلة والحلوة يلا عيش.
واخيرا احلام سعيدة للجميع.
بهاء بعطي تعليماتو عشان الصورة الجماعية
بعد معاناه طويلة
اترك تعليقا